Qoʻshimcha funksionallar
-
Tungi ko‘rinish
JCh-2018. Eron so‘nggi daqiqadagi avtogol evaziga Marokashni yengdi
Rossiyada jahon chempionati o‘yinlari davom etmoqda.
«V» guruhida Marokash va Eron terma jamoalari bellashdi.
O‘yinda afrikaliklar biroz tashabbusga ega bo‘ldilar va ko‘proq xavfli vaziyat yaratdilar. Ammo, Eron himoyasi raqib hujumlariga dosh berib, o‘z darvozasi daxlsizligini saqlab qoldi. So‘nggi daqiqalarda esa, chap qanotdan jarima maydoniga oshirilgan to‘pni marokashlik himoyachi o‘z darvozasiga yo‘llab qo‘ydi.
Guruhning yana bir o‘yini soat 23:00da boshlanadi. Unda Portugaliya va Ispaniya bellashadi.
JCh-2018, V guruhi
Marokash – Eron - 0:1
15 iyun, Sankt-Peterburg, «Krestovskiy» stadioni
Gol: 90+3 Buxadduz (avtogol)
Marokash – Muhammadiy, El-Axmadiy, Benatiya, Xakimiy, Belxanda, Ziyesh, Xarit (da Koshta, 82), Bussufa, N.Amrabat (S.Amrabat, 76), Sassiy, El-Kaabiy (Buxadduz, 77).
Eron – Beyranvand, Puraliganjiy, Chashmiy, Rizoyan, Shojayeiy (Torimiy, 68), Xajisafiy, Amiriy, Ibroximiy (Xusayniy, 80), Jahonbaxsh (Quddus, 85), Azmun, Ansorifard.
Ogohlantirishlar: Shojaiy (10), El-Axmadiy (34), Jaxonbaxsh (47).
Rossiya mundiali
2018 yilning 14 iyunidan 15 iyuliga qadar Rossiyaning 11ta shahrida 12ta stadionda JCh-2018 bo‘lib o‘tadi. Rossiya ilk bor mundialga mezbonlik qilmoqda.
