Vashington tomonidan Hindistondan import qilinuvchi po‘lat va alyuminiyga boj kiritilishiga javoban Hindiston Xitoy ortidan AQShdan import qilinuvchi 30 ta mahsulotga boj kiritishga qaror qildi.
Indian Express ma'lumotlariga ko‘ra, ushbu mahsulotlar ro‘yxati Jahon savdo tashkilotiga berilgan. Ro‘yxatga bir necha turdagi mototsikllar, metall va oziq-ovqat mahsulotlari kiritilgan.
Hindiston boj imtiyozlari bekor qilinishidan olinadigan qiymat AQSh kiritgan choralar sababli yo‘qotiladigan qiymatga mos kelishiga umid qilmoqda.
Ta'kidlanishicha, aksariyat mahsulotlarga bojlar 50 foizgacha oshadi.
NDTV telekanalining ma'lum qilishicha, Hindiston bu javob choralaridan 239 mln dollar olishni mo‘ljallamoqda. O‘z navbatida, AQShning bojni oshirishi Hindistonga 241 mln dollarga tushishi kutilmoqda.
