Foto: Reuters
AQSh prezidenti Donald Tramp maslahatchilari davlat rahbarining Rossiya yetakchisi Vladimir Putin bilan Vashingtonda uchrashuv o‘tkazish taklifini e'tiborsiz qoldirishgan. Bu haqda The Washington Post manbaga asosan xabar bermoqda.
Nashr ma'lumotlariga ko‘ra, Tramp, ikki yetakchining Vetnamdagi uchrashuvidan so‘ng, Putinni AQShga taklif qilish tashabbusi bilan chiqqan, biroq, Amerika yetakchisi maslahatchilari buni atayin e'tiborsiz qoldirishgan.
Ta'kidlanishicha, Tramp maslahatchilari «Trampning Putin bilan uchrashuvga qiziqishi yo‘qolishi yoki yo‘qolmasligini» tekshirib ko‘rishga qaror qilishgan.
Eslatib o‘tamiz, avvalroq Tramp Putin bilan taxminan qachon uchrashishini aytgandi.
