Qoʻshimcha funksionallar
-
Tungi ko‘rinish
Ermatov JCh-2018 o‘yiniga tayinlandi. Rekord yangilanadi
O‘zbekistonlik FIFA hakami Ravshan Ermatov Rossiyada o‘tkazilayotgan 2018 yilgi jahon chempionatining 2-turidan o‘rin olgan Argentina-Xorvatiya o‘yiniga bosh hakam sifatida tayinlandi.
Qanotlarda unga hamyurtlarimiz Abduhamidullo Rasulov va Jahongir Saidov yordam berishadi. Zaxira hakami taitilik Norbert Xauata.
O‘yin 21 iyun kuni Nijniy Novgorodda Toshkent vaqti bilan soat 23:00 da boshlanadi.
Shu tariqa, Ermatov Jahon chempionatlaridagi boshqargan o‘yinlari soni bo‘yicha o‘zi o‘rnatgan rekordni yangilaydi. Bugunga qadar Ermatov JCh final bosqichlarida 9ta o‘yinda bosh hakam bo‘lgandi.
Eslatib o‘tamiz, Ravshan Ermatov Lionel Messi boshchiligidagi Argentina terma jamoasi o‘yinini 2010 yili JAR maydonlaridagi mundialda ham ikki marta boshqargan, o‘shanda argentinaliklar guruh bosqichida Gretsiyaga qarshi o‘yinda 2:0 hisobida g‘alaba qozongan, chorak finalda Germaniyaga 0:4 hisobida mag‘lub bo‘lgandi.
Ermatov 2014 yilgi mundialda Xorvatiya ishtirokidagi bir o‘yinni ham boshqargan. O‘shanda Meksikaga 1:3 hisobida yutqazgan xorvatlar guruh bosqichidan chiqa olishmagandi.
Rossiya mundiali
2018 yilning 14 iyunidan 15 iyuliga qadar Rossiyaning 11ta shahrida 12ta stadionda JCh-2018 bo‘lib o‘tadi. Rossiya ilk bor mundialga mezbonlik qilmoqda.
Mavzuga oid
22:37 / 12.10.2025
Ravshan Ermatov FIFA qo‘mitasi raisi o‘rinbosari etib tayinlandi
17:16 / 06.10.2025
«Yarmining yarmi ham emas» – Kannavaro bilan kelishuvning ayrim tafsilotlari ma’lum qilindi
12:23 / 25.04.2025
Bayram tugadi, endi jahon chempionatiga tayyorgarlik ko‘rish kerak – Ermatov o‘smirlarni akalarining xatolarini takrorlamaslikka chaqirdi
15:21 / 26.02.2025