10:16 / 19.06.2018
36074

Hindistonda o‘zbekistonlik ayolning qamoqdagi g‘alati o‘limi surishtiruvdan o‘tkazilmoqda

Hindistondagi Bxondsi qamoqxonasida bo‘lgan O‘zbekistonning 38 yoshli fuqarosi hayotdan ko‘z yumdi, deb xabar qilmoqda Hindistan Times. Ayol 10 iyun kuni Gurugramdagi «Saxara» savdo markazida hibsga olingan va mamlakatda noqonuniy ravishda istiqomat qilib kelgani uchun qamoqqa joylashtirilgan. 5 kundan keyin u noma'lum sabablarga ko‘ra tergov izolyatorida vafot etdi.

Mahalliy politsiya ma'lumotlariga ko‘ra, ayol 5 kundan keyin jonsiz holda topilgan. O‘tgan juma, soat 3:00da, uning jasadi izolyatorda jiddiy tan jarohatlarsiz aniqlandi. Ayni paytda politsiya nima sodir bo‘lganini aniqlashga harakat qilmoqda.

To‘rt nafar shifokordan iborat maxsus komissiya ekspertiza o‘tkazdi, uning natijalari o‘lim sababini ochiqlashi kerak. Shu bilan birga, qamoqda ushlab turilgan ayol yuqori tana harorati va ko‘krak qafasidagi og‘riqdan shikoyat qilgan. Ayol Hindistonga O‘zbekistondan qachon kelganini aniqlashning imkoni bo‘lmagan.

Top