BMTning Inson huquqlari bo‘yicha kengashi (IHK) vakili Voislav Shuts so‘zlariga ko‘ra, AQShni IHKda almashtirish bo‘yicha qarorni Bosh assambleya qabul qilishi darkor.
«AQShning forumni tark etish haqidagi qaroridan so‘ng, Kengash a'zolari o‘rtasida vakant joyni to‘ldirish to‘g‘risidagi masala BMT Bosh assambleyasi tomonidan ko‘rib chiqilishi lozim», - dedi Shuts.
Avvalroq, AQShning BMTdagi doimiy vakili Nikki Xeyli Qo‘shma Shtatlar Inson huquqlari bo‘yicha kengashni tark etishi haqida ma'lum qilgandi. Uning fikricha, Kengash hozirgi paytda «ikkiyuzlamachilik va tamaga» to‘la. Shuningdek, uning ta'kidlashicha, BMTga a'zo davlatlardan birontasi AQShni Kengash bilan «kurashda» qo‘llab-quvvatlamadi.
Jyenevada hozirgi paytda IHKning 38-sessiyasi bo‘lib o‘tmoqda. U 18 iyun kuni boshlandi va 6 iyulga qadar davom etadi. AQSh rezolyutsiyalar bo‘yicha ovoz berish huquqiga ega bo‘lgan IHK 47 a'zosidan iborat guruhga kirgan.
Eslatib o‘tamiz, bundan avval Zayd Raad al-Husayn AQSh bo‘yicha bayonot bergandi.
