«Ko‘ngilni qoldirdi». Zayd Raad al-Husayn AQSh bo‘yicha bayonot berdi

BMTning inson huquqlari bo‘yicha oliy komissari Zayd Raad al-Husayn ma'lum qilishicha, AQShning Inson huquqlari bo‘yicha kengashdan chiqishi haqidagi xabar «odamning ko‘nglini qoldirdi». Bu haqda u tvitterdagi sahifasida yozgan.

«Bu ham hayratlanarli, ham odamning ko‘ngligi qoldiruvchi xabar bo‘ldi. AQSh hozirgi vaqtda dunyoda inson huquqlari qanday holatda ekanini hisobga olib, Kengashdan ketishi emas, balki undagi o‘z ishtirokini kuchaytirishi lozim», - deya yozdi Zayd Raad al-Husayn.

Avvalroq, AQShning BMTdagi doimiy vakili Nikki Xeyli Qo‘shma Shtatlar Inson huquqlari bo‘yicha kengashni tark etishi haqida ma'lum qilgandi. Uning fikricha, Kengash hozirgi paytda «ikkiyuzlamachilik va tamaga» to‘la. Shuningdek, uning ta'kidlashicha, BMTga a'zo davlatlardan birontasi AQShni Kengash bilan «kurashda» qo‘llab-quvvatlamadi.