Yevroittifoq Rossiya va Xitoy bilan munosabatlarni qayta ko‘rib chiqishi kerak - Die Zeit

Yevropa ittifoqi nafaqat AQSh bilan, balki Rossiya hamda Xitoy bilan munosabatlarini ham qayta ko‘rib chiqishi kerak. Bu haqda Die Zeit yozmoqda.

Yevropa ittifoqi (YeI) Rossiya bilan o‘z munosabatlarini qayta ko‘rib chiqishi va hamkorlik uchun imkoniyat qidirishi kerak, deb yozadi muallif. Shu bilan birga, YeI Moskva bilan muloqotni to‘g‘ridan-to‘g‘ri, NATO yoki AQShdan mustaqil tarzda olib borishi lozim.

AQSh va YeI manfaatlari hozirdanoq bir-biriga mos kelmayapti, deya ta'kidlaydi nashr. AQSh prezidenti Donald Tramp rahbarligidagi Qo‘shma Shtatlar jahondagi o‘zining yetakchi o‘rnini yo‘qotdi, deb yozadi Die Zeit. Shu bilan birga, Yevropa ittifoqi AQSh bilan ham munosabatlarni qayta ko‘rib chiqishi kerak. Savdo urushini boshlagan Trampga «qat'iy va xabar qilgan holda» kurashish lozim, deyiladi maqolada. Muallifning ta'kidlashicha, Trampning keyingi qurboniga, katta ehtimol bilan, Jahon savdo tashkiloti (JST) aylanadi.

Bundan tashqari, Xitoy bilan munosabatlarni ham qayta ko‘rib chiqish lozim. Xususan, savdo munosabatlari, intellektual mulk masalalari bo‘yicha. Materialda ta'kidlanishicha, YeI tahdid ostida qolgan, BMT esa avvalgidan ancha ta'siri baland holatda. Shuningdek, Sharqiy Yevropadan bo‘lgan populistlar jamiyat qurilishining demokratik prinsiplarini shubha ostiga olgan.