Yevropaning mutlaq chempioni Qashqadaryo yoshlari bilan uchrashdi 

Qashqadaryo viloyati Nuriston qo‘rg‘onida qo‘l jangi bo‘yicha Yevropaning mutlaq chempioni hamda O‘zbekiston chempioni ishtirokida yoshlar bilan uchrashuv bo‘lib o‘tdi. Muddatli harbiy xizmatchi oddiy askar Olimjon Normurodov 2018 yilning 22-28 may kuni Belorus respublikasining Minsk shahrida o‘tkazilgan qo‘l jangi musobaqasi bo‘yicha 65 kilogramm vaznda mutlaq Yevropa chempionligini qo‘lga kiritgan.

Xuddi shu sport turi bo‘yicha 70 kilogramm vaznda oddiy askar Samariddin Shomamatov O‘zbekiston chempioni, sport ustasi hisoblanadi.

«Vatanparvarlik – eng oliy fazilat» mavzusida o‘tkazilgan tadbirda shuningdek, Yozuvchilar uyushmasi a'zosi, yozuvchi Yusuf Siddiqov, Nishon tumani Yoshlar ittifoqi kengashi mutaxassisi Nurislom Aliyev ham ishtirok etdi.