Pompeo Kim Chen In bilan uchrashuvda uni o‘ldirish istagida ekanligini aytgan

Vanity Fair nashri AQSh davlat kotibi Mayk Pompeo va Shimoliy Koreya yetakchisi Kim Chen Inning 9 may kuni Pxenyandagi uchrashuvidagi ba'zi qiziq tafsilotlardan xabar topdi. Jumladan, nashrning Markaziy razvedka boshqarmasidagi manbasi ma'lumotlariga ko‘ra, Pompeo uchrashuvda Kim Chen Inni yo‘q qilish istagidaligini yashirib o‘tirmagan.  

Nashrning ta'kidlashicha, 2017 yilda Pompeo Shimoliy Koreyadagi tuzumni o‘zgartirish imkoni haqida gapirganda, ko‘pchilik odamlar Kim Chen Inning ketishini istashlarini aytgan. 

Kim Chen In Pompeo bilan uchrashuvda unga aynan shu so‘zlarini eslatib o‘tgan. Biroq Pompeo bu vaziyatda o‘zini yo‘qotib qo‘ymagan va undan yumor bilan chiqib ketgan.

“Pompeo qilt etmagan. MRB direktori (Pompeo avval shu lavozimni egallagan – tahr.) hazillashib, Kim Chen Inni hamon o‘ldirish istagida ekanligini aytgan va ularning ikkisi kulib yuborishgan”, deb eslagan voqeani manba.