YeI: Turkiyaning ittifoqqa qo‘shilishi masalasi boshi berk ko‘chaga kirib qoldi

Yevroittifoq kengashining xabar qilishicha, Turkiya tomoni bilan tashkilotga a'zo bo‘lish bo‘yicha muzokaralar boshi berk ko‘chaga kirib qoldi. Bu haqda ushbu masala bo‘yicha rezolyutsiyada aytilgan.

Hujjatda ta'kidlanishicha, Turkiya tomoni Yevroittifoqdan tobora uzoqlashib boryapti. Qayd etilishicha, Turkiya va YeI o‘rtasida Bojxona ittifoqini modernizatsiya qilish bo‘yicha ishlarni davom ettirish hozirgi paytda nazarda tutilmagan.

«Shuning uchun Turkiyaning ittifoqqa kirishi bo‘yicha muzokaralar boshi berk ko‘chaga kirib qoldi», - deyiladi rezolyutsiyada.

Hujjat matniga ko‘ra, YeI Turkiya tomonini mamlakatda kuzatilayotgan huquq va erkinliklar sohasidagi salbiy tendensiyalarga qarshi choralar ko‘rishga chaqirgan.