Xitoyning Guan uyezdida 6 bog‘cha tarbiyachisi jip ostida qolib ketgan erkakni mashina ostidan chiqarib oldi.
25 iyun ertalab ayollar tarbiyalanuvchilar bilan birga sayrga chiqishganda, bog‘cha darvozasi ortida ular ko‘z o‘ngida yo‘l transport hodisasi yuz bergan. Yo‘l chetida o‘tirgan erkak uning yonidan o‘tib ketayotgan Toyota Land Cruiser mashinasi ostida qolib ketgan. Haydovchi erkakni payqamay qolgan va uni urib yuborgandan keyingina mashinasini to‘xtatgan.
Shundan soniyalar o‘tmasdan, 50 yoshli jabrlanuvchi yordamga kelgan tarbiyachilar tomonidan krossover ostidan chiqarib olingan. Ayollar yo‘ldan kelayotgan baqiriqni eshitib, darhol yordamga oshiqishgan va mashinani ko‘tarib, erkakni chiqarib olishgan.
Voqea joyiga kelgan tez yordam mashinasi erkakni oyog‘i singan holda shifoxonaga olib ketgan. Voqeadan xabar topgan OAV xodimlari jasur ayollardan intervyu olgani voqea joyiga kelishgan. Bog‘cha ma'muriyati bolalar ko‘z o‘ngida odamning hayotini saqlab qolishda ko‘rsatilgan bunday shaxsiy o‘rnak o‘sib kelayotgan avlodni tarbiyalashning eng yaxshi yo‘li ekanligini faxr bilan aytgan.
