BMT bosh kotibi Suriya janubi-g‘arbida jangovar harakatlarni darhol to‘xtatishga chaqirdi

BMT bosh kotibi Antoniu Guterresh barcha tomonlarni Suriya janubi-g‘arbida jangovar harakatlarni darhol to‘xtatishga chaqirdi. 

Ta'kidlanishicha, BMTning Gumanitar masalalarni muvofiqlashtirish bo‘yicha boshqarmasi harbiy harakatlar tufayli Suriya janubi-g‘arbiga ko‘chgan kishilar soni so‘nggi ikki kun ichida 2,5 barobarga ortgani va 160 mingga yetgani haqida xabar bergan.

«Bosh kotib Suriya janubi-g‘arbidagi harbiy hujumdan va oddiy aholi orasida yo‘qotishlar tobora ortib borayotganidan juda tashvishda. U jangovar harakatlarni darhol to‘xtatishga chaqiradi», - deyiladi bayonotda.

Shuningdek, Guterresh barcha tomonlarni xalqaro gumanitar qonunlar bo‘yicha majburiyatlar va 2017 yilda keskinlikdan xoli hududlar bo‘yicha imzolangan kelishuvni hurmat qilishga chaqirdi.