OAV: KXDR maxfiy yadro obektlarida ishni davom ettirmoqda

Amerika razvedka xizmatlarining fikricha, Shimoliy Koreya bir nechta maxfiy yadroviy obektda ishlarni davom ettirmoqda. Bu haqda NBC News manbalarga asosan xabar berdi.

Ta'kidlanishicha, Kim Chen In bu obektlarni yashirishga urinmoqda, sababi Donald Tramp ma'muriyati bilan muzokaralarda qator foydali natijalarga erishmoqchi.

«Ular AQShni aldashga urinayotganiga oid deyarli 100 foizlik dalil-isbotlar bor», - deya ma'lum qildi manba.

Uning qo‘shimcha qilishicha, Qo‘shma Shtatlar KXDR hududida yuz berayotgan voqealarni «jiddiylik bilan kuzatib bormoqda».

Eslatib o‘tamiz, avvalroq KXDRni muzokaralar stoliga o‘tirishga nima majbur qilgani aytilgandi.