AQSh Eronning kelishuv bo‘yicha yangi taklifini «yetarli emas» deb hisobladi

Tehron AQSh bilan kelishuv bo‘yicha yangilangan taklifni taqdim etdi: Eron tomoni hujjat yadro dasturi atrofidagi keskinlikni kamaytirishi kerak, deb hisoblaydi. Biroq, Oq uyning ta’kidlashicha, taklif muhim o‘zgarishlarni o‘z ichiga olmaydi va tomonlarni kelishuvga yaqinlashtirmaydi.

Bu haqda Amerikaning yuqori martabali amaldorlariga tayanib, Axios xabar berdi. Yangilangan matnda Tehron yadro qurolini yaratmaslik niyatini yana bir bor tasdiqladi, biroq uranni boyitishni to‘xtatish yoki to‘plangan zaxiralarni topshirish bo‘yicha aniq kafolatlar bermadi.

Manbalarga ko‘ra, 19 may kuni AQSh prezidenti Donald Tramp ehtimoliy harbiy ssenariylarni muhokama qilish uchun milliy xavfsizlik jamoasi bilan yig‘ilish o‘tkazadi.

Fars ma’lumotlariga ko‘ra, may oyi o‘rtalarida. Vashington Erondan 400 kg boyitilgan uranni olib chiqish va mamlakat yadroviy infratuzilmasini faqat bitta obekt bilan cheklash talabini o‘z ichiga olgan rejani taklif qildi. Shu bilan birga, Amerika tomoni Eronga tovon to‘lashdan rasman bosh tortdi.

Avvalroq, muzokaralar guruhiga yaqin bo‘lgan Tasnim manbasi Eron va AQSh tinchlik takliflari o‘rtasidagi asosiy kelishmovchiliklar saqlanib qolayotganini ma’lum qilgan edi.