Afg‘onistonning Jalolobodidagi portlashda 17 kishi halok bo‘ldi

Afg‘onistonning Nangarhor viloyati ma'muriy markazi hisoblangan Jalolobod shahrida viloyat gubernatori idorasi yaqinida sodir etilgan portlashda 17 kishi halok bo‘ldi, 30 kishi yaralandi. Bu haqda 1TV telekanali ma'lum qildi.

Ta'kidlanishicha, portlash shaharga Afg‘oniston prezidenti Ashraf G‘ani kelishi arafasida sodir etilgan.

Ayni vaqtda birorta guruh ushbu portlash uchun javobgarlikni o‘z zimmasiga olmagan.

30 iyunda G‘ani “Tolibon” harakati bilan Ramazon oyi munosabati sabab kiritilgan yarashuv tugagani, mamlakat qurolli kuchlarining jangarilarga qarshi amaliyotlari tiklanishini ma'lum qilgandi.