Britaniyada Yelizaveta II vafot etganda qanday harakatlanish bo‘yicha maxfiy repetitsiya o‘tkazildi

Britaniyalik vazirlar ishtirokida qirolicha Yelizaveta II o‘limiga tayyor turish ko‘zda tutilgan maxfiy repetitsiya o‘tkazilgan. Bu haqda RIA Novosti xabar bermoqda.

Qayd etilishicha, qirolicha vafot etgan taqdirda 10 kunlik motam marosimiga tayyorlanish bo‘yicha maxfiy repetitsiya o‘tgan haftada bo‘lib o‘tgan.

Biroz oldinroq Yelizaveta II o‘zini yomon his qilayotgani tufayli avliyo Pavel soboridagi marosimga bora olmagani xabar qilingandi.

Aprel oyida 92 yoshga chiqqan qirolicha Yelizaveta II ayni vaqtda dunyoning eng keksa monarxi hisoblanadi. Uning boshqaruv davri Buyuk Britaniya tarixida rekord ko‘rsatkich hisoblanadi.