Foto: ANI News
Hindistonda yirik YTH natijasida 48 kishi halok bo‘ldi, shu bilan birga, jarohatlanganlar ko‘pchilik. "Anadolu" agentligi shu haqida xabar berdi.
Voqea Hindiston shimolidagi Uttarakxand shtatida ro‘y berdi: yo‘lovchi avtobus jarlikka quladi.
Mahalliy hukumat vakili Trivendr Ravaning so‘zlariga ko‘ra, haydovchi boshqaruvni qo‘ldan chiqargan, bundan tashqari, avtobus haddan tashqari to‘lib ketgan bo‘lgan.
Manbaga ko‘ra, qidiruv-qutqaruv ishlari davom ettirilmoqda.
Ta'kidlash joizki, Hindistonda yiliga o‘rtacha 110 ming kishi YTH natijasida halok bo‘ladi. Bunga yo‘llarning yomonligi, transport vositalarining eskirgani va boshqaruvdagi xatolar sababdir.
