Fransiyada moliyaviy qonunbuzarliklarda gumonlangan Sulaymon Karimov Rossiyaga qaytdi

Rossiyalik tadbirkor va senator Sulaymon Karimov moliyaviy qonunbuzarliklarni sodir etganligi bo‘yicha ayblovlar bekor qilinganidan so‘ng Rossiyaga qaytishga muvaffaq bo‘ldi. Bu haqda TASS agentligi RFning Marseldagi bosh konsulligining Vilfransh-syur-Mer shahridagi bo‘limiga asoslangan holdaxabar qilmoqda. 

"28 iyun kuni sud majlisi bo‘lib o‘tdi. Unda Karimovga nisbatan ilgari surilgan barcha ayblovlar olib tashlandi. 29 iyunda janob Karimovga pasportini qaytarib berishdi va u Rossiyaga qaytdi", - deyiladi xabarda. 

Rossiyaning Fransiyadagi diplomatik vakolatxonasida ta'kidlashlaricha, endilikda Karimov Yevropa bo‘ylab yana erkin harakat qila oladi. "Ha, u Fransiyaga ham bora oladi, Shengen hududi bo‘ylab safar qila oladi", - deya tasdiqlagan vakolatxona vakili.