Foto: Depositphotos
Birlashgan Arab Amirliklari va Rossiya o‘zaro viza talablarining bekor qilinishi haqida kelishuv imzoladi.
“Bu turistik oqim va biznes uchun qo‘shimcha qulay sharoitlarni yaratadi”, deb aytgan Rossiya savdo-sanoat vaziri Denis Manturov. Uning aytishicha, viza cheklovlarining bekor qilinishi davlatlarning turistik va biznes aloqalarini mustahkamlaydi.
Manturov 2017 yilda BAAga 750 mingdan ko‘proq rossiyalik borganini, bu 2016 yildagiga nisbatan 2 marta ko‘proqni tashkil qilganini ma'lum qilgan.
Rossiyalik sayyohlarning BAA iqtisodiyotiga qo‘shgan hissasi 2,3 mlrd dollarga baholangan.
Ta'kidlab o‘tish joizki, O‘zbekiston va BAA o‘rtasida soddalashtirilgan viza tartibi amal qiladi.
