Turkiya va Ozarboyjon prezidentlari o‘rtasida muzokaralar bo‘lib o‘tdi 

Bokuda Turkiya prezidenti Rajab Toyyib Erdo‘g‘anni qabul qilish marosimi bo‘lib o‘tdi. Erdo‘g‘anni Ozarboyjon prezidenti Ilhom Aliyev kutib olgan. Turkiya prezidenti sharafiga faxriy qorovul saf tortgan. 

Ozarboyjon davlati va hukumati vakillari Erdo‘g‘anga, Turkiya delegatsiyasi a'zolari esa Aliyevga tanishtirilganlar.

So‘ngra Aliyevning “Zagulba” qarorgohida ikki yetakchi o‘rtasida birga-bir formatda uchrashuv bo‘lib o‘tgan. Erdo‘g‘an va Aliyev Turkiya hamda Ozarboyjon o‘rtasidagi aloqalarning barcha sohalarda muvaffaqiyatli rivojlanayotganini ta'kidlab o‘tishgan. Yetakchilar ikki tomonlama munosabatlar va o‘zaro manfaatga ega boshqa masalalar bo‘yicha fikrlar almashishgan.