Polsha TIV Rossiyadagi diplomatiga hujum uyushtirilgani haqida xabar berdi

11 iyul, chorshanba kuni Irkutsk – Moskva reysida uchayotgan polshalik diplomatga hujum uyushtirilgan. Bu haqda Polsha Tashqi ishlar vazirligi xabar berdi.

Xabarda aytilishicha, voqea yuz bergan vaqtda diplomat xizmat safari bo‘yicha uchib ketayotgan bo‘lgan. Samolyotda unga psixik sog‘lom emasdek ko‘ringan odam hujum qilgan. Zo‘ravon qo‘lga olingan va voqea haqida politsiyaga xabar berilgan.

Keyinroq diplomat shifokor ko‘rigida bo‘lib, Polshaga qaytib kelgan.

Polsha elchixonasi Rossiya hukumatidan ro‘y bergan voqea bo‘yicha izoh berishni hamda aybdorni javobgarlikka tortishni talab qilmoqda.