22:00 / 15.07.2018
68985

Fransiya - jahon chempioni!

Foto: FIFA

2018 yilgi jahon chempionati final uchrashuvi Fransiya va Xorvatiya o‘rtasida bo‘lib o‘tdi. Moskvadagi «Lujniki» stadionida kechgan uchrashuv fransuzlarning 4:2 hisobidagi g‘alabasi bilan yakunlandi.

Frantsuzlar 18-daqiqada xorvatlar hujumchisi Mario Manjukich o‘z jamoasi darvozasini ishg‘ol etib qo‘yishi evaziga oldinga chiqib oldi. 10 daqiqa o‘tib Ivan Perishichning goli muvozanatni tikladi. Tanaffus arafasida Antuan Grizmann penaltini aniq amalga oshirib, jamoasini oldinga olib chiqdi.

Ikkinchi bo‘lim boshida fransuzlar to‘la ustunlikka ega bo‘lishdi va Pol Pogba hamda Kilian Mbappe hisobni yirik ko‘rinishga keltirishdi. Qolgan vaqt davomida xorvatlar bitta javob goli urishdi, Mario Manjukich 69-daqiqada Lorisning xatosidan foydalandi - 4:2.

Shu tariqa, Dide Desham boshchiligidagi Fransiya ikki karra jahon chempioniga aylandi. 1998 yili Fransiya o‘z maydonida kechgan mundialda ham tengsiz bo‘lgandi.

JCh-2018
Final
Fransiya – Xorvatiya 4:2

Gollar: 1:0 – 18, avtogol Manjukich, 1:1 – 28 Perishich, 2:1 – 38, penalti Grizmann, 3:1 – 59 Pogba, 4:1 – 65 Mbappe, 4:2 – 69 Manjukich.
Fransiya – Loris, Varan, Lyuka Ernandes, Pavar, Umtiti, Kante (Nzonzi, 55), Pogba, Matyuidi (Tolisso, 73), Grizmann, Jiru (Fekir, 81), Mbappe.
Xorvatiya – Subashich, Lovren, Strinich (Pyatsa, 81), Vrsalko, Vida, Rakitich, Brozovich, Perishich, Modrich, Rebich (Kramarich, 71), Manjukich.
Ogohlantirishlar: Kante (27), Lyuka Ernandes (41), Vrsalko (90).

Mavzu
Rossiya mundiali

2018 yilning 14 iyunidan 15 iyuliga qadar Rossiyaning 11ta shahrida 12ta stadionda JCh-2018 bo‘lib o‘tadi. Rossiya ilk bor mundialga mezbonlik qilmoqda.

Barchasi
Top