Ispaniya sohillari yaqinida 500 muhojir qutqarib qolindi

Ispaniya sohillari yaqinida o‘tgan dam olish kunlari deyarli 500 muhojir qutqarib qolindi.

Shanba kunining o‘zida dengizda qutqarish xizmati dengizda bortida 240 muhojir bo‘lgan 12 ta qayiqni aniqlagan. Yana 100 kishi Fuqarolik gvardiyasi patrul katerlari tomonidan aniqlangan.

15 iyul, yakshanba soat 00.00dan soat 18.00gacha Gibraltar bo‘g‘ozida yana 6 ta qayiq topilgan.

Ispaniyaga muhojirlar oqimi oxirgi vaqtda ancha ko‘paygan. 1 yanvardan 11 iyulgacha O‘rta yer dengizi orqali Ispaniyagacha 16902 muhojir yetib olgan. Deyarli yana shuncha odam (16984 kishi) Italiyagacha yetib olgan.  

Umuman olganda, yil boshidan Yevropaga (Italiya, Malta, Gretsiya, Ispaniya) 48629 muhojir yetib olgan. 1422 kishi yo‘lda halok bo‘lgan.