Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Афғонистонда йирик теракт. 20 киши ҳалок бўлди, қурбонлар орасида «Толибон» қўмондони ҳам бор
22:30 / 17.07.2018
11761

17 июлда Афғонистон шимолида ИШИД худкушининг ҳужуми оқибатида 20 киши, жумладан “Толибон” қўмондони ҳалок бўлди. Бу ҳақда Сари-Пул вилояти полицияси бошлиғи Абдулқаюм Бакизой маълум қилди.

Унинг айтишича, ҳужум маҳаллий оқсоқоллар “Толибон”нинг шу ҳудуддаги амалдорлари билан учрашганда содир этилган.

Вилоят кенгаши бошлиғи Мухаммад Нур Раҳмоннинг маълум қилишича, портлаш масжидда дафн маросими ўтаётган вақтда содир бўлган.

Таъкидланишича, воқеа юз берган ҳудуд чеккароқда бўлгани сабабли турли манбалардан олинаётган маълумотлар бўйича бир тўхтамга келишнинг имкони йўқ.  

Охирги кунларда Афғонистон шимолида ИШИД ва “Толибон” ўртасида қақшатқич жанглар кетмоқда. 


Улашинг
Top