Boeing AQSh prezidenti uchun 3,9 mlrd dollarlik yangi samolyotlar yetkazib beradi

Pentagon, Oq uy va Boeing kompaniyasi 18 oylik muzokaralardan keyin AQSh prezidenti uchun 2 ta yangi samolyot shartnomasi narxi bo‘yicha kelishuvga keldi. Avvalroq Donald Tramp ushbu buyurtmani juda qimmatligi sababli bekor qilishni talab qilgandi. Samolyotlar 2024 yil oxirigacha yetkazib beriladi.  

Shartnoma narxi 3,9 mlrd dollarni tashqil qiladi. Ta'kidlanishicha, shartnoma narxi inflyatsiya va joriy xarajatlar hisobga olingan holda Pentagon mo‘ljallaganidan 1 mlrd dollar kamroqqa aylangan. 

Hozirda qo‘llaniladigan 2 ta prezident samolyoti Boeing-747 Air Force One almashtirilishga muhtoj, ularga xizmat ko‘rsatish juda qimmatga tushmoqda. Yangi samolyotlarni xarid qilish bo‘yicha qaror avvalgi prezident Barak Obama vaqtida qabul qilingan.

Biroq Tramp prezident saylovlaridagi g‘alabadan keyin shartnomani narxi qimmatligi sababli tanqid qilgan. Oq uyda ta'kidlanishicha, Boeing bilan yangi shartnomadan 1,4 mlrd dollar mablag‘ tejaladi.

Yangi samolyotlar qizil, oq va ko‘k ranglarga bo‘yaladi.