Vaqf qilingan kitoblar jamlanmasi Jizzaxdagi masjidlarga yetkazildi

Joriy yilning 18 iyul kuni «Masjid va madrasalar uchun kitob aksiyasi» doirasida Jizzax viloyatining Paxtakor tumanidagi 5 ta masjidga va Sharof Rashidov tumanidagi 26 ta masjidga jami hisobda 36 mln so‘mlik 33 turdagi 1240 ta kitob yetkazib berildi. Bu haqda «Vaqf» xayriya jamoat fondi Matbuot xizmati xabar bermoqda. 

Masjidlarning har biriga O‘zbekistonda nashr etilgan «Muallimi soniy», «Hazrati Nuhning kemasi va to‘fon voqeasi» kitoblari va tasbehlar ikki donadan, «Qur'oni karim», muftiy Usmonxon Alimovning «Rasululloh sollallohu alayhi vasallam mo‘'jizalari», «Rasululloh sollallohu alayhi vasallam vasiyatlari», «So‘ragan edingiz» 1-2 to‘plam, «Oilada farzand tarbiyasi» kitoblari, shayx Muhammad Sodiq Muhammad Yusuf hazratlarining qalamlariga mansub, «Odoblar xazinasi» to‘plami, «Islom tarixi» to‘plami, «Hadis va hayot» kitobidan bir juz, «Muhammad sollallohu alayhi vasallamga sodiq Muhammad sodiq», «Baxtiyor oila», «Amallar niyatga bog‘liq», «Zikr ahlidan so‘rang» kitobining 2, 5-qismlari, «Oltin silsila» 6-juzi, «Halol ochiq oydindir, harom ochiq oydin», «Isrof», «Qarz va unga bog‘liq masalalar», «Sog‘lom bola», «Tasavvuf haqida tasavvurlar», «Zuhd va hayo» kitoblari bir donadan Alloh yo‘lida vaqf mulki qilib berildi.

Bundan tashqari, «O‘kinma», «Ihyo ulumiddin», «Qarz», «G‘iybat o‘zi nima?», «Qur'on qalblar shifosi» «Yengil amallar», «Nurul basar», «Dunyo va din odobi» «Ahmad Lutfiy Qozonchi», «Bir vijdon uyg‘onur», «Musulmonning 35 odobi», «Abu Homid G‘azzoliy», «Osonlashtirilgan tajvid qoidalari», «Men ham namoz o‘qiyman» kabi kitoblar ham masjidlarga taqdim etildi.

Ma'lumot o‘rnida: to‘plangan mablag‘lar evaziga viloyatlardagi masjidlarga kitoblar olinadi va Alloh yo‘lida vaqf qilinadi.

Eslatib o‘tamiz, yig‘ilgan mablag‘lar evaziga hozirgi kungacha 63 ta masjid ulamolar tomonidan yozilgan eng sara asarlar bilan ta'minlandi. Siz ham ushbu aksiyani qo‘llab-quvvatlang!

So‘mda pul o‘tkazish uchun plastik raqami (istalgan miqdorda, cheklovlar yo‘q):
8600 3104 5763 1232 (Bakiyev Hakim nomida)

Murojaat uchun telefon:

+998974490456 (Temurbek)
+998909074554 (Shavkatbek)