Meksikada yirik YTH, 12 kishi halok bo‘ldi

Meksikada yo‘lovchi mikroavtobusi va yuk mashinasi ishtirokida yuz bergan yo‘l-transport hodisasi oqibatida 12 kishi halok bo‘ldi. Bu haqda «Sinxua» xabar qilmoqda.

Agentlik ma'lumotlariga ko‘ra, avariya sabab yana olti kishi jarohat olgan.

Ta'kidlanishicha, YTH Mexiko-Pachuka trassasida yuz berdi, mikroavtobus haydovchisi yo‘l chetida to‘xtab turgan yuk mashinasining orqa qismiga katta tezlikda kelib urilgan.

Ayni damda politsiya ro‘y bergan hodisaning barcha tafsilotlarini aniqlashtirmoqda.