Krishtianu Ronalduning Instagram`dagi sahifasiga joylagan suratlari soni 2300 dan oshdi.
B/R Football ma'lumotiga qaraganda, portugaliyalik yulduzning 17 iyul kuni o‘z sahifasiga joylagan surati shu vaqtgacha yuklagan 2300 ta fotosi ichidan «Yoqdi» tugmasi eng ko‘p bosilgan suratga aylandi.
O‘ziga xos rekordni qayd etgan ushbu fotoda Ronaldu «Yuventus» libosida aks etgan va suratga «Forza Juve #FinoAllaFine» deya izoh qoldirgan.
Xabar yozilayotgan vaqtgacha surat tarmoqning 11 million 620 mingdan ziyod foydalanuvchisiga ma'qul kelgan, ya'ni shuncha odam unga «Yoqdi» deya munosabat bildirgan.
«Fino alla fine» italyanchadan «oxiriga qadar» degan ma'noni bildiradi.
