Gallup (AQShdagi jamoatchilik fikrini o‘rganish instituti) o‘tkazgan tadqiqot natijasidan ma'lum bo‘lishicha, amerikaliklarning 1 foizi Rossiya AQShning ichki siyosatidagi muhim qarorlarga aralashadi deya hisoblaydi.
Iyun oyida o‘tkazilgan so‘rov natijalariga ko‘ra, so‘rovnoma ishtirokchilarining 15 foizi mamlakatdagi iqtisodiy holatdan xavotirda ekanini bildirgan. Amerikaliklarning 14 foizi migratsiya va noqonuniy immigratsiya muammolaridan xavotir bildirgan bo‘lsa, 7 foizi irqchilikni muhim muammo sifatida baholagan. 19 foiz kishi mamlakat hukumatining yomon siyosatini eng dolzarb muammo sifatida belgilagan.
Shu bilan birgalikda, so‘rovnomada qatnashganlarning yana 1 foizi Rossiyani 2016 yilgi prezident saylovlariga «aralashgan» deb hisoblaydi.
