2026 yil fevral oyida Özbekiston aholisi sezgan yillik inflatsiya darajasi yanvar oyiga nisbatan 0,1 foiz bandga pasayib, 11,6 foizni taşkil etdi. Bu haqda Markaziy bank xabar berdi.
Sörovnomada 2800 dan ortiq respondent iştirok etgan. Ular bergan javoblarga qaraganda, sezilgan inflatsiya Toşkent şahrida eng yuqori – 13,3 foizni, Andijon viloyatida 12,9 foizni, Farğona viloyatida 12,2 foizni taşkil etgan.
Qoraqalpoğistonliklar esa narx-navo oşişini hammadan ham kamroq sezişgan – 10 foiz. Namangan viloyatida yaşovçilar 10,4 foiz, Navoiy viloyati aholisi 10,5 foizlik inflatsiyani his etişgan.
Fevral oyida aholi tomonidan narxlarida yuqori ösiş kuzatilgan asosiy tovar va xizmatlar quyidagilar: göşt va sut, benzin va yoqilği, meva va sabzavotlar, elektr va tabiiy gaz, dorilar, şuningdek, yölkira va taşiş xizmatlari.
Daromadlari 2 mln sömgaça bölgan aholi qatlami eng kam – 10,4 foizlik inflatsiyani sezgan bölsa, 20 mln sömdan köproq daromad topuvçilar oxirgi 12 oyda narx-navo 14,4 foizdan köproqqa oşdi deb hisoblayapti.
