MDH mamlakatlari shaharlariga yozgi safarlar reytingida Toshkent nechanchi o‘rinni egalladi?

Boku, Minsk va Olmaota MDH mamlakatlari shaharlariga yozgi sayohatlar reytingida yetakchilik qilmoqda. Bu haqda «Turstat» tahlil agentligi tomonidan tayyorlangan hujjatda aytiladi.

MDH shaharlari reytingi 2018 yilning yozida sayyohlar safarlarining mashhurligini tahlil qilish asosida taqdim etilgan.

Agentlik ma'lumotlariga ko‘ra, sayyohlar yozda MDHdagi shaharlarga o‘rtacha 2 kunga keladi, so‘ng Bokudagi Kaspiy dengizi kurortlari, Belarusdagi Naroch ko‘lida, Olmaotadagi Chimbuloq tog‘ kurortida, Qozog‘istonning Borovoye kurortida, Qirg‘izistondagi Issiqko‘l ko‘lida hordiq chiqarishni afzal ko‘rishadi.

Rossiyalik sayyohlar MDH davlatlari shaharlari va kurortlarida turar joy va ovqatlanish uchun kuniga o‘rtacha 50-100 dollar sarflaydi.

MDHga eng arzon yozgi turlar sifatida Kishinyov va Bishkek tanlanadi, hafta oxiridagi turlar bo‘yicha esa, Boku va Ostona yetakchilik qilyapti.

Umumiy reyting quyidagicha:

1. Boku (Ozarboyjon)
2. Minsk (Belarus)
3. Olmaota (Qozog‘iston)
4. Yerevan (Armaniston)
5. Ostona (Qozog‘iston)
6. Bishkek (Qirg‘iziston)
7. Toshkent (O‘zbekiston),
8. Kishinyov (Moldova)
9. Dushanbe (Tojikiston)
10. Ashxobod (Turkmaniston)