Toshkentda avtobus ag‘darilib ketishi oqibatida yetti nafar yo‘lovchi jarohat oldi

Toshkent shahrining Yashnobod tumanida 23 iyul kuni Yunusobod tumanida yashovchi B.K. boshqaruvidagi “Isuzu” rusumli avtobusini THAY ko‘chasida joylashgan “Rohat” avtosaloni oldida haydab ketayotib, boshqaruvni eplay olmasligi natijasida yo‘l chetiga ag‘darilib ketgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Oqibatda yetti nafar yo‘lovchi yengil tan jarohati olganligi tufayli ularga kasalxonada tibbiy yordam ko‘rsatilib, javob berilgan. Surishtiruv ishlari olib borilmoqda.