Pokistonda saylov kuni 20 kishi halok bo‘ldi

Foto: Reuters

Bugun, 25 iyul kuni Pokistonning shimoli-g‘arbidagi Kvetta shahrida sodir bo‘lgan portlash oqibatida 20 kishi halok bo‘ldi. Bu haqda shifoxona vakili xabar bergan.

Portlash Belujiston viloyati markazi Kvetta shahrida ovoz berish uchastkasi yonida bo‘lib o‘tdi.

«Taxminan 20 kishi halok bo‘ldi, yana 28 kishi esa turli darajada tan jarohatlari bilan shifoxonaga yotqizildi», axborot berdi Kvetta kasalxonasi shifokori Vasim Beyk.

Mahalliy OAV qurbon bo‘lganlar soni haqida turlicha ma'lumot bermoqda. Geo TV muxbiri portlash 22 kishini hayotdan olib ketgani haqida yozgan.