Qirg‘izistonda O‘zbekiston fuqarosi qo‘lga olindi. U Afg‘onistondagi jangarilar lageriga yo‘l olayotgan bo‘lgan

2018 yil 15 iyul kuni Qirg‘iziston Respublikasining Botken viloyati IIB ekstremizm va noqonuniy migratsiyaga qarshi kurash Xizmati xodimlari tomonidan «O‘zbekiston - Qirg‘iziston - Tojikiston - Afg‘oniston» yo‘nalishi bo‘yicha Afg‘onistonga o‘tmoqchi bo‘lgan O‘zbekiston fuqarosi qo‘lga olindi. U Afg‘onistondagi jangarilar lagerlaridan birida qo‘poruvchilik-terrorchilik bo‘yicha tayyorgarlikdan o‘tish, kelgusida Suriyada hukumat qo‘shinlariga qarshi jangovar harakatlarda ishtirok etishni rejalashtirgan, deb xabar bermoqda Qirg‘iziston IIV.

O‘zbekiston fuqarosi O.P. Botken tumani hududida qo‘lga olindi, uning yonidan elektron axborot tashuvchi qurilmalar, arab yozuvidagi adabiyot, issiq kiyimlar, oziq-ovqat va boshqa buyumlar topilgan.

Yig‘ilgan material Qirg‘iziston Milliy xavfsizlik davlat qo‘mitasining Botken viloyati bo‘yicha boshqarmasiga topshirilgan.