Saudiya Arabistoni neft eksportining bir qismi to‘xtatilgani haqida ma'lum qildi

Saudiya Arabistoni energetika vaziri Xolid al-Folihning ma'lum qilishicha, dunyodagi eng yirik neft eksportchisi Bob-al-Mandub bo‘g‘ozi orqali xomashyo yetkazib berish ishlarini vaqtinchalik to‘xtatadi. Bu haqda Reuters xabar bermoqda.

Aniqlik kiritilishicha, bu Yamanning husiylar qurollangan guruhi ikkita yirik tonnali tankerga hujum uyushtirgani sababli ro‘y berdi.

«Saudiya Arabistoni Bob-al-Mandub bo‘g‘ozi orqali neft yetkazib berishni vaqtinchalik to‘xtatadi. Bu vaziyat aniqlashtirilmagunga qadar va Bob-al-Mandub bo‘g‘ozi orqali tranzit xavfsiz ko‘rinish olmagungacha yuz beradi», - deya aytib o‘tdi Folih.