TIV Rossiyaga kelayotgan O‘zbekiston fuqarolariga eslatma bilan chiqdi

Rossiya Federatsiyasiga vaqtincha kelayotgan O‘zbekiston fuqarolari Rossiya Federatsiyasi davlat chegarasini kesib o‘tgan kundan boshlab uch ish kuni mobaynida Rossiya IIV migratsiya masalalari bo‘yicha Bosh boshqarmasi hududiy bo‘limlarida ro‘yxatdan o‘tishlari shart. 

O‘zbekiston Tashqi ishlar vazirligi axborot xizmati xabariga ko‘ra, uch kundan kam bo‘lgan muddatga keluvchilar uchun ro‘yxatdan o‘tish talab qilinmaydi.

Rossiya Federatsiyasi hududida o‘rnatilgan tartiblarga rioya qilmagan shaxslarga nisbatan Rossiya qonunchiligida belgilangan 2000 rubldan 5000 rublgacha miqdorda ma'muriy jarima jazosi qo‘llaniladi, ba'zi hollarda Rossiya hududidan chiqarib yuborilishi hamda Rossiya hududiga 5 yil muddatgacha kirishi taqiqlanishi mumkin.