Mutlaq g‘alaba. Namangandagi xalqaro turnirdan eng hayajonli kadrlar

Avval xabar berib o‘tganimizdek, Namangan shahrida qo‘l jangi bo‘yicha chempionlar ligasi xalqaro turniri tashkil etildi. Unda jahon chempionlari, shuningdek, o‘z qit'asi va davlatida tengsiz deb topilgan sportchilar kuch sinashdi.

«Navbahor» markaziy o‘yingohi mezbonlik qilgan turnirni Namangan viloyati hokimi Xayrullo Bozorov kirish so‘zi bilan ochib berdi. Shundan so‘ng musobaqaning rasmiy mehmonlari –Xalqaro qo‘l jangi federatsiyasi prezidenti Sergey Astaxov hamda mashhur promouter Vladimir Xryunov so‘zga chiqib, ishtirokchilarga omad tiladi.

Jamoaviy tarzda o‘tkazilgan musobaqada o‘zbekistonlik jangchilar Rossiya, Belarus, Qozog‘iston va Tojikiston davlatlaridan kelgan sportchilarga qarshi ringga ko‘tarilishdi. Besh vazn toifasida bo‘lib o‘tgan janglarning barchasida o‘zbekistonlik sportchilarning qo‘li baland keldi.

Kun.uz muxbiri turnirni kuzatib, undagi eng hayajonli daqiqalarni kamera obektiviga muhrlashga urindi.

Eldor Vohidov