​Ota-onasidan ajratib qo‘yilgan muhojir bolalar oilalari bilan uchrashdi

AQSh-Meksika chegarasida 1400ga yaqin bolalar ajratib qo‘yilgan ota-onasi bilan uchrashdi, deyiladi payshanba kuni bo‘lib o‘tgan AQShdagi sud majlisida.

Reuters xabariga ko‘ra, oilasi bag‘riga qaytmagan bolalar ham shunchani tashkil etadi. Hukumat huquqshunosi ayni paytda 711 nafar bolaning ota-onasiga qaytarilishi, San-Diyego federal sudi ta'kidlaganday, payshanbagacha bajarilmaganini tan oldi. 

Ushbu vaziyatda 431ta holat bo‘yicha bolalarning ota-onasi shunchaki AQSh hududida emas. 

Eslatib o‘tamiz, ushbu bolalar AQSh prezidenti Donald Trampning «toqatsizlik» siyosati oqibatida ota-onasidan ajratib qo‘yilgandi. Ularning ota-onalari AQShda noqonuniy immigrant deb topilgach, mamlakatdan chiqarib yuborilishi aytilgandi. 

Amerika fuqarolar erkinligi uyushmasi huquqshunosi Li Jyelernning aytishicha, hukumat yana g‘irromlik qilmoqda, ya'ni ular tanlangan oilalarni birlashishiga ruxsat bermoqda.