Ота-онасидан ажратиб қўйилган муҳожир болалар оилалари билан учрашди

Фото: Joe Raedle/Getty Images

АҚШ-Мексика чегарасида 1400га яқин болалар ажратиб қўйилган ота-онаси билан учрашди, дейилади пайшанба куни бўлиб ўтган АҚШдаги суд мажлисида.

Reuters хабарига кўра, оиласи бағрига қайтмаган болалар ҳам шунчани ташкил этади. Ҳукумат ҳуқуқшуноси айни пайтда 711 нафар боланинг ота-онасига қайтарилиши, Сан-Диего федерал суди таъкидлагандай, пайшанбагача бажарилмаганини тан олди.

Ушбу вазиятда 431та ҳолат бўйича болаларнинг ота-онаси шунчаки АҚШ ҳудудида эмас.

Эслатиб ўтамиз, ушбу болалар АҚШ президенти Дональд Трампнинг «тоқатсизлик» сиёсати оқибатида ота-онасидан ажратиб қўйилганди. Уларнинг ота-оналари АҚШда ноқонуний иммигрант деб топилгач, мамлакатдан чиқариб юборилиши айтилганди.

Америка фуқаролар эркинлиги уюшмаси ҳуқуқшуноси Ли Желерннинг айтишича, ҳукумат яна ғирромлик қилмоқда, яъни улар танланган оилаларни бирлашишига рухсат бермоқда.

#муҳожирлар #АҚШ-Мексика