Toshkentda O‘zbekiston-Rossiya birinchi mintaqalararo forumi bo‘lib o‘tadi

2018 yil 26 iyul kuni O‘zbekiston Respublikasi tashqi savdo vaziri Jamshid Xo‘jayev Rossiya Federatsiyasining O‘zbekistondagi elchixonasi maslahatchisi, muvaqqat ishlar vakili Vadim Mitrofanov bilan uchrashuv o‘tkazdi. Ushbu uchrashuvda joriy yilning oktabr oyida bo‘lib o‘tadigan O‘zbekiston-Rossiya birinchi mintaqalararo forumiga tayyorgarlik masalalari muhokama qilindi. Bu haqda Tashqi savdo vazirligi matbuot xizmati xabar tarqatdi.

«Bugungi uchrashuv juda o‘z vaqtida tashkil etildi. Bunday muhim voqea jiddiy tayyorgarlikni talab qiladi. O‘zbekiston-Rossiya o‘rtasidagi birinchi mintaqaviy forum ikki mamlakat ishbilarmon doiralari o‘rtasida hamkorlikni rivojlantirishga turtki bo‘lib xizmat qiladi», - deya ta'kidladi Vadim Mitrofanov. 

Tomonlar ikki mamlakat mintaqalari o‘rtasida biznes, transport va kooperatsiya aloqalarida bevosita hamkorlikni rivojlantirishga qiziqish bildirdi.