Namangan shahridagi xonadonda yong‘in, 4 yoshli bola halok bo‘ldi

27 iyul kuni Namangan shahrida yashovchi T.U.ning uyida yong‘in sodir bo‘lgan, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Ko‘rilgan choralar natijasida yong‘in o‘chirilgan. Ammo yong‘in oqibatida uydagi somon presslarining 25 kv.m maydoni yonib, zarar ko‘rgan va yong‘in o‘chirish vaqtida uning birga yashagan 4 yoshli nabirasi M.T.ning kuygan holdagi jasadi topilgan. 

Yong‘in kelib chiqish sabablarini aniqlash yuzasidan surishtiruv ishlari olib borilmoqda.