Putin Rossiya harbiy-dengiz floti 2018 yilda 26ta yangi kemaga ega bo‘lishini ma'lum qildi

Rossiya harbiy-dengiz floti 2018 yilda 20dan ortiq yangi kemaga ega bo‘ladi. Bu haqda Rossiya prezidenti Vladimir Putin ma'lum qildi.

«2018 yilning o‘zida 26ta yangi kema, kater va «Kalibr» raketa majmuasi bilan jihozlangan to‘rtta kema olish lozim», — dedi Putin harbiy-dengiz floti kuni bayrami bilan o‘tkazilgan tantanali qabulda.

U bu yil flot to‘rtta kema, bitta qo‘poruvchilikka qarshi kater va uchta ta'minot kemasini olganini eslatib o‘tdi.  

Putin flot infratuzilmasi eng zamonaviy talablarga muvofiq holda rivojlanib borayotganini qayd etdi.

Rossiyada harbiy-dengiz floti kuni 29 iyulda nishonlanadi. Bayram munosabati bilan Peterburg va Kronshtadtda harbiy-dengiz paradi o‘tkazildi.