Tanishini biznesga taklif qilib, 144 mln so‘m pullarini o‘zlashtirib olgan shaxs ushlandi

Toshkent shahrining Yunusobod tumanida jinoyat sodir bo‘ldi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

29 iyul kuni IIBga tushgan hujjatlarga ko‘ra, 2017 yil 27 oktabr kunidan  15 noyabr kunigacha bo‘lgan vaqt oralig‘ida Mirzo Ulug‘bek tumanida yashovchi A.G. Ziyolilar ko‘chasida tanishi R.R.ga birgalikda tadbirkorlik bilan shug‘ullanishini aytib, 144 mln so‘m pulini olgan va bergan va'dasini bajarmay pullarni o‘z ehtiyojlari uchun ishlatib yuborganligi ko‘rsatilgan.

Ko‘rilgan choralar natijasida A.G. qo‘lga olingan.