Avstraliyada «selfi politsiyasi» paydo bo‘ladi

Avstraliya hukumati hayratlanarli fotosuratlarga tushish uchun o‘z hayotini xatarga qo‘yadigan sayyohlarga qarshi kurashuvchi «selfi politsiyasi»ni tashkil etishga qaror qildi. Bu haqda The Sun yozmoqda.

Nashrning xabar berishicha, Avstraliyada Qirollik milliy bog‘idagi qoya chetida suratga tushayotgan sayyohlarning xatti-harakatlari xavotir uyg‘otmoqda.

Qayd etilishicha, qoya cheti o‘pirilib tushib ketishi mumkin.

Shu bois qoyada xavf haqida belgi o‘rnatilgan, ammo «selfi» ishqibozlarini bu belgi to‘xtata olmayapti.

Avvalroq Hindistonning Goa orolidagi plyajlarda sayyohlarga selfi qilish taqiqlangani xabar qilingandi.