Ukraina Rossiyaning 19 kompaniyasiga qarshi sanksiyalar joriy qiladi

Ukrainaning vaqtincha bosib olingan hududlar masalalari bo‘yicha vazirligi Rossiyaning 19 kompaniyasi va 22 nafar jismoniy shaxsiga qarshi sanksiyalar qo‘llash taklifini berdi. Bu haqda RIA «Novosti» xabar qilmoqda.

«Vaqtincha bosib olingan hududlar masalalari bo‘yicha vazirlik 19ta yuridik shaxs va 22 nafar jismoniy shaxsga nisbatan sanksiyalar qo‘llash masalasini ilgari surdi. Ular Kerch ko‘prigini noqonuniy qurish jarayoniga jalb qilingan yuridik shaxslarning rahbarlari ta'sischilari sanaladi», - deya ma'lum qilishgan vazirlikdan.

Ma'lum bo‘lishicha, mazkur farmoyish loyihasi markaziy ijro etuvchi hokimiyat organlari va maxsus huquqni muhofaza qilish idoralari bilan muvofiqlashtirilgan.

Eslatib o‘tamiz, avvalroq Yevroittifoq Rossiyaga qarshi sanksiyalarni kengaytirgandi.