Jahonning eng romantik maskanlari reytingi e'lon qilindi

Britaniyaning Mills & Boon nashri sayohat bo‘yicha yetakchi ekspertlar va ikki ming nafar sayyoh orasida dunyodagi eng romantik maskanlar borasida so‘rov o‘tkazdi, deb xabar bermoqda Daily Mail.

So‘rov natijalariga ko‘ra, birinchi o‘rinda Parij, ikkinchi o‘rinda Gretsiyaning Santorini oroli va uchinchi o‘rinda Venetsiya joylashdi.

Yuqori o‘nlikka shuningdek, Amalfi (Italiya) va Bryugge (Belgiya) shaharlari, Maui, Bora-Bora, Gili va Serf orollari hamda Kirkyufetl (Islandiya) tog‘i kirdi.

Sankt–Peterburg o‘n birinchi o‘ringa joylashdi. Undan keyingi o‘rinlarni Toj Mahal (Hindiston) va Amsterdam (Niderlandiya) egalladi.