Canon kompaniyasi o‘zining yangi fotoapparatini namoyish etdi. Kamera ixcham bo‘lib, unda selfi va 4K shakldagi video olish mumkin.
Canon PowerShot SX740 HS 20,3 megapikselli CMOS-sensor, 40 martagacha yaqinlashtiruvchi obektiv hamda selfi olish uchun qulay bo‘lgan yuqoriga ko‘tariluvchi displey bilan jihozlangan.
Kamera Wi-Fi va Bluetooth’ga ulanish imkoniyatiga ega. Bu esa uning iOS yoki Android qurilmalari bilan muntazam aloqada bo‘lishini, fotosuratlarga GPS koordinatalarini muhrlash imkonini ta'minlaydi.
Canon PowerShot SX740 HS qora va kumushrang tusda chiqariladi. U avgust oyidan 400 dollar narxda sotuvga chiqadi.
