Meksikada avtobus va yuk mashinasi to‘qnashdi, 11 kishi halok bo‘ldi

Meksikadagi Durango shtatida yuz bergan yirik yo‘l-transport hodisasi oqibatida kamida 11 kishi halok bo‘ldi. Bu haqda El Sol de Mexico nashri xabar bermoqda.

Nashr ma'lumotlariga ko‘ra, avtohalokat Durango shtatidagi avtomobil yo‘lida sodir bo‘lgan. Syudad-Xuares shahridan Masatlanga yo‘l olgan avtobus yuk mashinasi bilan to‘qnashib ketdi.

Hozirgi paytda hodisa yuz bergan joylarda tezkor xizmatlar xodimlari ishlamoqda. Politsiya ro‘y bergan voqeaning tafsilotlarini aniqlashtiryapti.