Мексикада автобус ва юк машинаси тўқнашди, 11 киши ҳалок бўлди

Фото: Especial

Мексикадаги Дуранго штатида юз берган йирик йўл-транспорт ҳодисаси оқибатида камида 11 киши ҳалок бўлди. Бу ҳақда El Sol de Mexico нашри хабар бермоқда.

Нашр маълумотларига кўра, автоҳалокат Дуранго штатидаги автомобиль йўлида содир бўлган. Сьюдад-Хуарес шаҳридан Масатланга йўл олган автобус юк машинаси билан тўқнашиб кетди.

Ҳозирги пайтда ҳодиса юз берган жойларда тезкор хизматлар ходимлари ишламоқда. Полиция рўй берган воқеанинг тафсилотларини аниқлаштиряпти.